Fredapost

Fresh Reads For All

લો બોલો.. માણસ તો માણસ.. હવે પોપટ પણ ગાળો બોલતા શરમાતાં નથી..

ગાળો અને અભદ્ર શબ્દો બોલવાના પરિણામે પ્રાણી સંગ્રાલય છોડવું પડ્યું.

મોટેભાગે તમે પોપટને બોલતા સાંભળ્યા હશે , પરંતુ તમે ક્યારેય આવા પોપટ જોયા છે જે અપશબ્દો બોલે છે . બ્રિટનમાં આવો જ એક કિસ્સો સામે આવ્યો છે,જ્યાં એક પ્રાણી સંગ્રહાલયમાંથી પાંચ પોપટને ત્યાંથી દૂર કરવામાં આવ્યા હતા કારણ કે તેઓ ત્યાં આવેલા લોકોને ગાળો બોલી રહ્યા હતા . એરિક , જેડ , એલ્સી , ટાયસન અને બિલી નામના ગ્રે કલરના આ પાંચ આફ્રિકન પોપટ તાજેતરમાં જ યુકેના લિંકનશાયર વાઇલ્ડલાઇફ પાર્કમાં મુલાકાતીઓને જોવા માટે લાવવામાં આવ્યા હતા . જો કે , આ પોપટની વિરોધી વિશે પાર્કના અધિકારીઓને જાણ થતાં જ તેઓને તાત્કાલિક દૂર કરવામાં આવ્યા હતા . લિંકનશાયર લાઇવ ના સમાચાર મુજબ વાઇલ્ડલાઇફ પાર્કના અધિકારીઓ પણ આ પોપટ જોઈને આશ્ચર્યચકિત છે .

એક અઠવાડિયા પહેલા વાઇલ્ડલાઇફ પાર્કના અધિકારીઓએ પાંચ જુદા જુદા લોકો પાસેથી આ પોપટ લીધા હતા અને તે પછી પાંચને એક જ પાંજરામાં રાખવાનું નક્કી કર્યું હતું . જો કે આ પોપટની ફરિયાદો થોડા દિવસોમાં અધિકારીઓ સુધી પહોંચી હતી . પાર્કના કર્મચારીઓના જણાવ્યા અનુસાર પહેલા તો આ પોપટ એકબીજાને ગાળો આપી રહ્યા હતા અને તે પછી તેઓ મુલાકાતીઓને ગાળો આપવાનું શરૂ કરી દીધુ હતું . પાર્ક અધિકારીઓનું કહેવું છે કે તેઓને લાગે છે કે આ પોપટ મળીને રહેતી વખતે એકબીજાને ગાળો આપવાનું શીખ્યા. પાર્ક સ્ટાફ એમ પણ કહે છે કે સમય જતાં આ પોપટની ભાષા બદલાશે . સ્ટીવ નિકોલ્સે કહ્યું , ‘ જેમ જેમ આ પોપટ ગાળો આપતા હતા,લોકો તેમના પર હાંસી ઉડાવતા હતા અને જેટલા લોકો હસતા હતા તેટલું જ તેઓ વધારે ગાળો આપતા હતા. આ પછી પાર્કમાં આવતા બાળકોને ધ્યાનમાં રાખીને અમે આ પોપટને ત્યાંથી કાઢીને તેમને અલગ કરવાનું નક્કી કર્યું . હું આશા રાખું છું કે છૂટા થયા પછી આ પોપટ કેટલાક નવા શબ્દો શીખી શકશે , પરંતુ જો આ દરમિયાન તેઓ વધુ ખરાબ ભાષા શીખ્યા તો , તેઓને હજી ખરાબ સમય નો સામનો કરવો પડશે.

Leave a Reply